Role of Vienna Congress in establishing peace in Europe

Role of Vienna Congress in establishing peace in Europe

ఐరోపాలో శాంతిని నెలకొల్పడంలో వియన్నా కాంగ్రెస్ పాత్రను వివరించండి.

వియన్నా కాంగ్రెస్ 1814 సెప్టెంబర్ నుండి 1815 వరకు జరిగింది. నెపోలియన్ బోనపర్టీ పతనానంతరం తిరిగి ఐరోపాలో యుద్దాలను నివారించడానికి వియన్నా కాంగ్రెస్ సమావేశపరచబడింది. ఈ లక్ష్యాన్ని సాధించడానికి ఐరోపా దేశాల సరిహద్దులను చాలా వరకు మార్చాల్సిఉంటుంది.

ఐరోపాలోని పెద్ద దేశాలైన ఆస్టియా, రష్యా, ప్రష్యా, బ్రిటన్ లు కీలక నిర్ణయాలను తీసుకున్నాయి. ఆస్ట్రియా ప్రిన్స్ క్లెమెన్స్ వాన్ మెటెర్నిక్ అనే ఆస్ట్రియన్ మంత్రిని తన ప్రతినిధిగా పంపింది. మెటర్నిక్ వియన్నా కాంగ్రెస్ కు అధ్యక్షుడుగా వ్యవహరించాడు.

రష్యా చక్రవర్తి మొదటి అలెగ్జాండర్ రష్యాకు ప్రాతినిద్యం వహించాడు.

ప్రిన్స్ కార్స్ ఆగస్ట్ వాన్ హార్డెన్ బర్గ్ ప్రష్యా ప్రధాన ప్రతినిధి.

మొదట లార్డ్ కాసెల్ రీగ్, అనంతరం మొదటి డ్యూక్ ఆప్ వెల్లింగ్ టన్ ఆర్ధర్ వెల్లస్లీ బ్రిటన్ ప్రతినిధులుగా వ్యవహరించారు.

పెద్దరాజ్యాలు కీలక నిర్ణయాలు తీసుకోవడంలో ఫ్రాన్స్, స్పెయిన్ మరియు చిన్నరాజ్యాల అభిప్రాయాన్ని పరిగణనలోకి తీసుకోవాల్సిన అవసరం లేదని భావించాయి. ఏదేమైనా ఫ్రాన్స్ రాజనీతిజ్ఞుడు చార్లెస్ మౌరైస్ డి టాలెరాండ్ ఫ్రాన్స్ కు కూడా చర్చల్లో సమాన విలువ ఉండేలా వారిని ఒప్పించగలిగాడు. టాలెరాండ్ ఓటే చాలా చర్చల్లో కీలక ఓటుగా నిలిచింది.

 

వియన్నా కాంగ్రెస్ ముఖ్య నిర్ణయాలు:

  1. నెపోలియన్ గెలిచిన అన్ని ప్రాంతాలను ప్రాన్స్ తిరిగి ఇచ్చివేయాల్సిందిగా నిర్ణయించారు. పద్దెనిమిదవ లూయీ పాలనతో ఫ్రాన్స్ రాచరికం పునర్నిర్మించబడింది.
  2. ఆస్ట్రియా కోల్పోయిన చాలా ప్రాంతాలను ఆస్ట్రియాకు తిరిగి ఇచ్చారు. దీనితోపాటూ ఆస్ట్రియాకు జర్మనీ, ఇటలీ ప్రాంతాలు లొంబార్డీ, వెనిస్ లను కూడా ఇవ్వడం జరిగింది.
  3. రష్యాకు ఫిన్లాండ్ ను ఇచ్చి పోలాండ్ పై ఆధిపత్యాన్ని ఇచ్చారు.
  4. ప్రష్యాకు సాక్సొని, వెస్ట్ ఫాలియా, రైన్ ప్రావిన్సుల్లో ముఖ్య ప్రాంతాలను ఇచ్చారు.
  5. బ్రిటన్ కు వ్యూహాత్మకంగా కీలక ప్రాంతాలను, సముద్రాలపై ఆధిపత్యాన్ని ఇచ్చారు.
  6. ఢఛ్ రిపబ్లిక్ ను ఆస్ట్రియన్ నెదర్లాండ్స్ తో కలిపి ఒకే హౌజ్ ఆఫ్ ఆరెంజ్ ఆద్వర్యంలో నెదర్లాండ్స్ రాజ్యంగా ఏర్పరచారు.
  7. నార్వే మరియు స్వీడన్ ఒకే పాలనకిందికి చేరాయి.
  8. స్పెయిన్ ఏడవ ఫెర్డినాండ్ కు తిరిగి ఇవ్వబడింది.
  9. స్విట్జర్లాండ్ తటస్ధ దేశంగా ప్రకటించబడింది.

వియన్నా కాంగ్రెస్ ఫలితాలు:

ఐరోపా దేశాలమధ్య శాంతిని నెలకొల్పడమే వియన్నా కాంగ్రెస్ లక్ష్యం. ఆ లక్ష్యాన్ని వియన్నా కాంగ్రెస్ చాలా వరకు చేరుకుంది. వియన్నా సమావేశం అనంతరం దాదాపు 40సంవత్సరాల వరకు ఐరోపాలో శాంతి నెలకొంది.

 

 

 

2Q. ఐరోపా రాజకీయాల్లో మెటర్నిక్ పాత్రను వివరించండి?

క్లెమెన్స్ వాన్ మెటర్నిక్

క్లెమెన్స్ వాన్ మెటర్నిక్ 15 మే 1773న జన్మించాడు. 1809 నుండి 1848 వరకు ఆస్ట్రియా విదేశీ వ్యవహారాల మంత్రి గా వ్యవహరించాడు. నెపోలియన్ బోనపార్టీని మించి ఐరోపా వ్యవహారాల్లో మెటర్నిక్ కీలక పాత్రను నిర్వహించాడు. వియన్నా కాంగ్రెస్ అద్యక్షుడిగా మెటర్నిక్ చాలా కీలక భాద్యతను నిర్వహించాడు.

ఫ్రాన్స్ కు రాయబారిగా మెటర్నిక్

మెటర్నిక్ దనవంతుల కుటుంబంలో జన్మించాడు. ఆయన కుటుంబ సభ్యులు పలువులు ప్రభుత్వ పదవుల్లో ఉన్నారు. మెటర్నిక్ తత్త్వశాస్త్రాన్ని, న్యాయశాస్త్రాన్ని, దౌత్యవిధానాల్ని అద్యయనం చేసి తన తండ్రి బాటలోనే రాయబారి వృత్తిని ఎంచుకున్నాడు.

ఆస్టలిట్జ్ యుద్దంలో ఫ్రాన్స్ చేతిలో ఆస్ట్రియా ఘోరపరాజయం పాలై చాలా భూబాగాలను కోల్పోయింది. దీని అనంతరం ఆస్ట్రియా మెటర్నిక్ ను ఫ్రాన్స్ కు రాయబారిగా పంపింది.

నెపోలియన్ ను మెటర్నిక్ చాలా దగ్గరనుండి పరిశీలించాడు. ఫ్రాన్స్ కు క్రమశిక్షణ అవసరం. నెపోలియన్ మాత్రమే ఫ్రాన్స్ కు క్రమశిక్షణ నేర్పగలడని మెటర్నిక్ భావించాడు.

 

 

విదేశీ వ్యవహారాల మంత్రిగా మెటర్నిక్

1809 అక్టోబర్లో మెటర్నిక్ ఆస్ట్రియా విదేశీవ్యవహారాల మంత్రిగా నియమించబడ్డాడు. నెపోలియన్ అంతమయ్యేవరకూ ఆస్ట్రియాను కాపాడుకోవడమే మెటర్నిక్ లక్ష్యం.

నెపోలియన్ పాలనను అంతం చేయాలని మెటర్నిక్ బావించాడు. ఆస్ట్రియా చక్రవర్తి మొదటి ఫ్రాన్సిస్ కుమార్తె మేరీ లౌసీ తో నెపోలియన్ వివాహాన్ని మెటర్నిక్ కుదిర్చాడు.

మెటర్నిక్ 1812లో ఫ్రాన్స్ రష్యా మీద దాడిచేసినప్పుడు ఫ్రాన్స్ కు ఆస్ట్రియా సాయం అందిస్తుందని ఫ్రాన్స్ ను నమ్మించాడు. కానీ రహస్యంగా రష్యాకు సాయపడ్డాడు. ఫ్రెంచ్ ఓటమి అనంతరం మెటర్నిక్ తటస్ధ విధానాన్ని వదిలివేసి నెపోలియన్ కు వ్యతిరేకంగా మిగతా దేశాలను ఏకం చేశాడు. 26 జూన్ 1813న నెపోలియన్ ను మెటర్నిక్ చివరిసారిగా కలిసాడు. ఆ సమావేశంలో నెపోలియన్ అంతం సమీపంలో ఉందని మెటర్నిక్ నెపోలియన్ తో అన్నాడు.

ఆస్ట్రియా సాయంతో రష్యా, ప్రష్యా, బ్రిటన్ నెపోలియన్ ను ఓడించగలిగాయి. కృతజ్ఞతగా ఆస్ట్రియా రాజు మొదటి ఫ్రాన్సిస్ మెటర్నిక్ ను ఆస్ట్రియా యువరాజుగా ప్రకటించాడు.

నెపోలియన్ తదనంతర ప్రపంచం

వియన్నా కాంగ్రెస్ లో తీసుకున్న నిర్ణయాల్లో మెటర్నిక్ కీలకపాత్ర పోషించాడు. నెపోలియన్ ఎల్బా నుండి తప్పించుకోవడంతో వియన్నా కాంగ్రెస్ కు అంతరాయం ఏర్పడింది. నెపోలియన్ వాటర్లూ యుద్దంలో ఓడించబడ్డాడు.

శక్తివంతమైన దేశాల మధ్య సఖ్యతతోనే యూరోప్ శాంతియుతంగా ఉండగలదని మెటర్నిక్ భావించాడు. ఆస్ట్రియాను అంతర్గతంగా శాంతియుతంగా ఉంచడం, బాహ్యంగా శక్తివంతంగా ఉంచడం మెటర్నిక్ లక్ష్యం.

మెటర్నిక్ కులీనుల పాలనను ఇష్టపడేవాడు. రాజులు పాలించడానికి ప్రజలు పాలించబడటానికే ఉన్నారని బలంగా విస్వసించేవాడు. తిరుగుబాట్లు, ఉదారవాదం, జాతీయవాదాల్ని వ్యతిరేకించాడు.

మెటర్నిక్ పీరియాడిక్ కాంగ్రెస్ లో తిరుగుబాట్లను ఎలా అణచివేయాలనే విషయాలపై చర్చించేవాడు.

1821లో మెటర్నిక్ ఆస్ట్రియన్ కోర్ట్ చాన్సెలర్ గా, చాన్సెలర్ గా నియమించబడ్డాడు.

1848లో వియన్నా లో జరిగిన ఒక విప్లవం వల్ల రాజీనామా చేసేంత వరకూ మెటర్నిక్ ఐరోపా ఖండ రాజకీయాలలో కీలక పాత్ర పోషించాడు.

Leave a Reply

Your email address will not be published. Required fields are marked *