Role of Mazzini in the Unification of Italy

Role of Mazzini in the Unification of Italy

ఇటలీ ఏకీకరణలో జోసెఫ్ మాజిని పాత్రను వ్రాయండి?

మాజినీ ఇటలీ గొప్పనాయకుల్లో ఒకరు. తన జీవతంలో ప్రతివిషయాన్ని ఇటలీ ఏకీకరణ నిమిత్తం మాజినీ త్యాగం చేశాడు. మాజినీ ని ఇటలీ ఆత్మగా పేర్కొంటారు. 1805లో జెనోవాలో మాజీనీ జన్మించాడు. ఆయన తండ్రి ఒక డాక్టర్. మాజినీ తండ్రి ఫ్రెంచ్ విప్లవ లక్ష్యాలను బలంగా విశ్వసించేవాడు. మాజినీ ఫ్రెంచ్ విప్లవానికి సంబందించిన సాహిత్యాన్నే ఎక్కువగా అధ్యయనం చేశాడు. మాజినీ కుటుంబం దేశ భక్తి, జాతీయత భావం, తిరుగుబాట్లకు సంబంధించిన విషయాలగూర్చి మద్యే ఉండేది. ఇలాంటి వాతావరణంలో పెరిగిన మాజినీ చిన్నతనంలోనే గొప్పతిరుగుబాటుదారునిగా ఎదిగాడు. పరాయిపాలన నుండి ఇటలీని విముక్తం చేయడమే మాజినీ లక్ష్యం. ఇటలీ ఏకీకరణకు ఆస్ట్రియా పెద్ద శత్రువని, ఆస్ట్రియాను ఇటలీ నుండి పారద్రోలకుండా ఇటలీ ఏకీకరణ సాధ్యం కాదని మాజినీ బలంగా విశ్వసించేవాడు.

ఆ కాలంలో కార్బొనారీ మాత్రమే ఏకైన రహస్య విప్లవ సంఘం. చిన్న వయసులోనే కార్బొనారీ లో సభ్యుడిగా చేరి తన తిరుగుబాటు మనస్తత్వం వల్ల అనతి కాలంలోనే అరెస్టు చేయబడ్డాడు. జైల్లో ఉండికూడా విప్లవ భావాల్ని ఉత్తరాల ద్వారా, పాంప్లెట్ల ద్వారా ఇతరులతో పంచుకొనేవాడు. కొంత కాలానికి కార్భొనారికి ఒక ఖచ్చితమైన దిశానిర్ధేశం లేదని తెలుసుకున్నాడు.

మాజినీ ఇటలీని ఏకీకృతం చేసి బలమైన రిపబ్లికన్ సమాఖ్యను ఏర్పాటుచేయాలనుకున్నాడు. విప్లవ కార్యక్రమాల వల్ల మాజినీ ని ఇటలీ నుండి బహిష్కరించడంతో నలభై సంవత్సరాలు వివిధ దేశాలు తిరిగాడు. ఫ్రాన్స్ లో జులై విప్లవం విజయవంతం అవడంతో ఇటలీలో కూడా నిరంకుశ రాచరికానికి వ్యతిరేకంగా తిరుగుబాటు జరిగింది. పార్మా, మొడెనా, టస్కనీ, పాపల్ రాష్ట్రాల రాజులు రాజ్యం విడిచి పారిపోయినా ఆస్ట్రియా జోక్యంతో తిరిగి రాచరికాన్ని చేపట్టారు. మెటర్నిక్ సూచనల ప్రకారం తిరుగుబాటుదారుల్ని చాలా క్రూరంగా అణచివేసారు. విప్లవంలో పాల్గొన్న మాజిని ని దేశ బహిష్కరణ చేసి ఫ్రాన్స్ కు పంపించారు.

తిరుగుబాటు అణచివేత మాజినీని తీవ్రంగా కలచివేసింది. కార్బొనారీ పని విదానం నచ్చని మాజినీ అంతకంటే ఎక్కువ నిబద్దతతో పనిచేసే సంఘాన్ని ఏర్పాటు చేయాలనుకున్నాడు. ఇటలీ యువకులతో ‘యంగ్ ఇటలీ’  అనే సంఘాన్ని స్ధాపించాడు. భౌగోళికంగా, రాజకీయంగా విడగొట్టబడినా సాంస్కృతిక పరమైన ఏకత్వం వల్ల ఇటాలియన్లందరికీ తమ జాతిపట్ల ఏకీకృత భావం ఉండేది.

1848కి ముందు ఇటలీ జాతీయవాదుల్లో ఐక్యత లేదు. ఎజెలియో అనే ఇటాలియన్ దేశభక్తుడు రాచరికానికి, విప్లవానికి కూడా వ్యతిరేకి. ఆయన రిపబ్లికన్ ప్రభుత్వ ఏర్పాటును ఆకాంక్షించేవాడు.

రోమన్ కాథలిక్ లు పోప్ ఆద్వర్యంలో ప్రభుత్వం ఏర్పడాలని ఆంకాంక్షించేవారు.

ఫ్రాన్స్ లో 1848 విప్లవానికి ముందే ఇటలీకి సంబంధించిన నేపుల్స్, టస్కనీ, పిడమాంట్, రోమ్ రాజ్యాల్లోని రాజులు ప్రజలకు అనుకూలమైన రాజ్యాంగాన్ని విడుదల చేశారు. 1846లోనే రోమ్ కి రాజైన తొమ్మిదవ పోప్ పయస్ చాలా ఉదారమైన రాజకీయ ఆలోచనలు కలిగి ప్రజారంజకంగా పాలించేవాడు. 1848విప్లవం తరువాత మెటర్నిక్ ప్రాభవం పూర్తిగా క్షీణించింది. ప్రజలు వివిధ ప్రాంతాల రాజులందరూ ఏకమై అస్ట్రియా సైన్యాన్ని, ఆస్ట్రియా ప్రభావాన్ని తమ దేశం నుండి తొలంగించాలని రాజులకు సూచించారు.

అస్ట్రియాకు వ్యతిరేకంగా జరిగిన యుద్దంలో చార్లెస్ ఆల్బర్ట్ మాత్రమే చివరివరకూ పోరాడాడు. మిగతా ఇటాలియన్ రాజులు మద్యలోనే విరమించుకున్నారు. చార్లెస్ అల్బర్ట్ సింహాసనాన్ని తన కుమారుడు రెండవ విక్టర్ ఇమ్మాన్యుయెల్ కు అప్పగించాడు.

మాజినీ రోమ్ లో రాజుకు వ్యతిరేకంగా తిరుగుబాటు చేసి రాజు రాజ్యాన్ని వదిలిపోయేలా చేసాడు. మాజినీ మరియు ఇతరులు రోమ్ లో రిపబ్లికన్ ప్రభుత్వాన్ని ఏర్పరచినా అనతికాలంలోనే లూయీ నెపోలియన్ వారి ప్రభుత్వాన్ని కూల్చివేసాడు.

మాజినీ స్ధాపించిన సంస్ధవల్ల దేశ ప్రజలను ఆదర్శవంతులుగా, జాతీయవాదులుగా, దేశభక్తిపరులుగా తయారుచేసింది. ఇటాలియన్లను అభివృధ్ధి చేసిన నాయకుడిగా ఇటలీ చరిత్రలో మాజినీ స్ధానం చిరస్థాయిగా నిలిచిపోయింది.

 

ఆటోవాన్ బిస్మార్క్

బిస్మార్క్ 1815వ సంవత్సరంలో బ్రాండెన్ బర్గ్ లో ఒక ఉన్నత కుటుంబంలో జన్మించాడు. గోటింజన్, బెర్ని విశ్వవిద్యాలయాల్లో విధ్యనభ్యసించి ప్రభుత్వ ఉధ్యోగంలో చేరాడు.

బిస్మార్క్ లో సాంప్రదాయ వాదం, దేశభక్తి సమంగా ఉన్నాయి. 1848-1849 విప్లవకాలంలో ఉదారవాదులకు వ్యతిరేకంగా ప్రష్యా ప్రభుత్వాన్ని సమర్ధించాడు.

నాల్గవ ఫ్రెడరిక్ విలియంకు రక్షణగా వ్యవసాయదారులను బెర్లిన్ కు తీసుకువచ్చేందుకు బిస్మార్క్ సిధ్ధమయ్యాడు.

ప్రజలకు రాజ్యాంగాన్ని ఏర్పరచాలని ఫ్రెడరిక్ విలియం తీసుకున్న నిర్ణయాన్ని బిస్మార్క్ వ్యతిరేకించాడు.

1851 – బిస్మార్క్ ప్రభుత్వ రాయబారి ఉధ్యోగంలో చేరాడు.

1851 నుండి 1859 వరకు జర్మన్ డైట్ లో ప్రష్యా ప్రతినిధిగా పనిచేసి అపారమైన రాజకీయ జ్ఞానాన్ని సంపాదించాడు. ఇదే కాలంలో ఆస్ట్రియా పట్ల వ్యతిరేక భావం కూడా పెంపొందింది.

1859 నుండి 1861 సెయింట్ పీటర్స్ బర్గ్ లో రాయబారిగా పనిచేసి ఇక్కడి జార్ అభిమానాన్ని చూరగొన్నాడు.

1861 – కొంత కాలం పారిస్ లో ప్రష్యా రాయబారిగా పనిచేసాడు.

1862 – ప్రష్యా చక్రవర్తి మొదటి విలియంకు పార్లమెంటుకు ఘర్షణ నేపద్యంలో బిస్మార్క్ ను ప్రధానమంత్రిగా నియమించాడు.

ప్రష్యా మంత్రిమండలి అధ్యక్షుడిగా పదవిచేపట్టేనాటికి  బిస్మార్క్ వయసు 47 సంవత్సరాలు. ఇంత చిన్న వయసులో ఆకాలంలో ఏవరూ ప్రధాని పదవిని చేపట్టలేదు. బిస్మార్క పార్లమెంట్ ఎగువ సభ అబిప్రాయాన్నే పరిగణనలోకి తీసుకునేవాడు. దిగువ సభ అభిప్రాయాన్ని లెక్కచేయక పార్లమెంటును ఉల్లంఘించేవాడు.

బిస్మార్క్ సైన్యాన్ని పటిష్టపరచి జర్మనీ ఏకీకరణ నిమిత్తం 1864లో డెన్మార్క్ తో, 1866లో ఆస్ట్రియాతో, 1870లో ఫ్రాన్స్ తో యుద్దాలు చేశాడు.

1864లో డెన్మార్క్ తో యుద్దం – స్లెష్ విగ్, హోల్ స్టీన్ సమస్యపై ఆస్ట్రియా సహకారంతో బిస్మార్క్ విజయాన్ని సాధించాడు. స్లెష్ విగ్, హోల్ స్టీన్ లలో అధిక సంఖ్యాకులు జర్మన్లు. కానీ ఆ ప్రాంతాలు డెన్మార్క్ ఆధీనంలో ఉన్నాయి. 1848లో డెన్మార్క్ చక్రవర్తి ఏడవ ఫ్రెడరిక్ వీటిని డెన్మార్క్ లో విలీనం చేయాలని ప్రయత్నించాడు. ఇంగ్లండ్, ఫ్రాన్స్, ప్రష్యా, నార్వే, స్వీడన్ లు కలిసి లండన్ సంధిని కుదిర్చాయి. ఈ సంధి ప్రకారం డెన్మార్క్ స్లెష్ విగ్, హోల్ స్టీన్ లను విలీనం చేసుకోలేదు. లండన్ సంధి కాలపరిమితి పది సంవత్సరాలు. ఏడవ ఫ్రెడరిక్ మరణంతో చక్రవర్తి అయిన తొమ్మిదవ క్రిస్టియన్ స్లెష్ విగ్ ను డెన్మార్క్ ల విలీనం చేస్తున్నట్లు ప్రకటించాడు. దీనిని ఆ ప్రాంత ప్రజలు వ్యతిరేకించి తిరుగుబాటు చేశారు. సమస్య పరిష్కారానికై బిస్మార్క్ ఆస్ట్రియా సాయం కోరాడు. ఇద్దరూ కలిసి డెన్మార్క్ ను ఓడించారు. డెన్మార్క ఓటమి తరువాత ఈ ప్రాంతాలకోసం ప్రష్యా ఆస్ట్రియాతో యుద్దం చేయాల్సివచ్చింది.

1866లో ఆస్ట్రియాతో యుధ్ధం –  ఆస్ట్రియా స్లెష్ విగ్ ను జర్మన్ సమాఖ్య లో విలీనం చేయాలని నిర్ణయించింది. ఈ నిర్ణయాన్ని బిస్మార్క్ వ్యతిరేకించాడు. జర్మనీ ఏకీకరణకు అడ్డుపడే ఆస్ట్రియాకు ఇతర దేశాలు సాయపడకుండా వేరు వేరు సంధులు చేసుకున్నాడు. ఆనాటి ప్రపంచ రాజకీయ పరిస్ధితులను క్షుణ్ణంగా అధ్యయనం చేసిన బిస్మార్క్ ఆస్ట్రియాను ఏకాకిని చేయడానికి అన్ని అవకాశాలను వాడుకున్నాడు.

హోల్స్ జ్టీన్ లో ఆస్ట్రియా పరిపాలను వ్యతిరేకంగా కుట్రలను ప్రోత్సహించాడు. ఆస్ట్రియా గ్యాస్టివ్ ఒప్పందాన్ని ఉల్లంఘించేలా చేసి హోల్ స్టీన్ లో ఆస్ట్రియా అధికారులను తొలగించాడు. ఏడువారాల యుద్దం, సెడోవా యుద్దాలలో ఆస్ట్రియాను ప్రష్యా ఓడించింది.

1870లో ఫ్రాన్స్ తో యుధ్ధం – స్పెయిన్ ప్రజలు తమ నిరంకుశ రాణి ఇసబెల్లాకు వ్యతిరేకంగా తిరుగుబాటు చేశారు. హోహెన్ జాల్వెన్ వంశస్తులు అధికారం స్వీకరించాలని భావించారు. కానీ నెపోలియన్ దీనిని వ్యతిరేకించాడు. భవిష్యత్ లో ఇలాంటి ప్రస్తావన రాకుండా ప్రష్యా కట్టుబడి ఉండాలని ప్రష్యా రాజు, ఫ్రాన్స్ రాయబారి మధ్య ఎమ్స్ అనే చోట చర్చలు జరిగాయి. బిస్మార్క్ చర్చల సారాంశాన్ని ప్రజలు తిరుగుబాటు చేసేలా మార్చి పత్రికలలో ప్రచురింపజేసాడు. ఆవేశాలు పెరిగి ఫ్రాన్స్ 1870లో ప్రష్యా పై యుద్దం ప్రకటించింది. ఈ యుద్దం ఆరునెలల పాటు సాగింది. ప్రష్యాకు జర్మనీ సాయపడింది. ఫ్రాన్స్ యుద్దంలో ఓడిపోయింది. ఫ్రాన్స్ లో ప్రజా తిరుగుబాటుతో రిపబ్లిక్ ప్రభుత్వం ఏర్పాటు చేయబడింది. ఈ యుద్ద ఫలితంగా జర్మనీ ఏకీకరణ పూర్తైంది.

1871 జనవరి 18న వర్సేల్స్ రాజభవనంలో మొదటి విలియం జర్మనీ చక్రవర్తిగా పట్టాభిషిక్తుడయ్యాడు. బెర్లిన్ జర్మనీ సమాఖ్యకు రాజధానిగా గుర్తించబడింది.

Leave a Reply

Your email address will not be published. Required fields are marked *