League of Nations History Organs Victories and reasons for failure

నానాజాతి సమితి చరిత్ర, విభాగాలు, విజయాలు, పరాజయ కారణాల గూర్చి వ్రాయండి?

League of Nations History Organs Victories and reasons for failure

వర్సైల్స్ సంధి ఫలితంగా నానాజాతి సమితి ఏర్పడింది. మొదటి ప్రపంచయుద్ద ధన, ప్రాణ నష్టం వల్ల అన్ని దేశాలు శాంతిని కాంక్షించాయి. ఉడ్రోవిల్సన్ భవిష్యత్ యుద్దాలను నివారించడానికి ఒక అంతర్జాతీయ సంఘం ఉండాలనే అభిప్రాయాన్ని వ్యక్తం చేశాడు. ఈ నేపద్యం, ఆలోచనలనుండే నానాజాతి సమితి ఆవిర్భవించింది.

ఒడంబడిక పత్రం

నానాజాతి సమితి రాజ్యాంగాన్ని ఒడంబడిక పత్రం అని కూడా అంటారు. అమెరికా సంయుక్త రాష్ట్రాల అధ్యక్షుడు ఉడ్రోవిల్సన్ నాయకత్వంలోని 19మంది ప్రతినిధులు నానాజాతి సమితి రాజ్యాంగాన్ని తయారుచేశారు. దీనిలో 26 ఆర్టికిల్స్ ఉన్నాయి. నానాజాతి సమితిలోని ఏదేశమైనా నిబంధలను ఉల్లంఘించి సభ్యదేశాలపై యుద్దానికి పాల్పడితే ఆ దేశాన్ని అన్ని సభ్యదేశాల ఉమ్మడి శతృవుగా భావిస్తారు.

నానాజాతి సమితి ఆశయాలు

నానాజాతి సమితి రాజ్యాంగ ప్రవేశికలోని నాలుగు ప్రధాన అంశాలు

  1. భవిష్యత్ లో యుద్దాలను నివారించడం.
  2. అంతర్జాతీయ సహకారం.
  3. అంతర్జాతీయ శాంతిభధ్రతలు
  4. పారిస్ శాంతి సమావేశంలో జరిగిన సంధులన్నీ సక్రమంగా అమలయ్యేలా చూడటం.

ఒడంబడిక పత్రంలో సంతకం చేయడం ద్వారా దేశాలు నానాజాతి సమితిలో సభ్యత్వం పొందుతాయి.

తటస్ధ దేశాలకూ ఇందులో సభ్యత్వం ఇవ్వబడింది. వలస దేశాలకూ సభ్యత్వాన్ని అంగీకరించారు. రెండు సంవత్సరాల ముందస్తు నోటీసుతో సమితి నుండి ఉపసంహరించుకోవచ్చు.

నానాజాతి సమితి అంగాలు

ఆరంభ కాలంలో నానాజాతి సమితికి మూడు ముఖ్య అంగాలు ఉన్నాయి. అవి మహాసభ, సమితి మండలి, సచివాలయం. అనంతరకాలంలో అంతర్జాతీయ న్యాయస్ధానం, అంతర్జాతీయ కార్మిక సంఘం కూడా అంగాలుగా ఏర్పడ్డాయి.

సమితి మహాసభ

దీని వార్షిక సమావేశాలు జెనీవా లో జరుగుతాయి. అన్ని సభ్యదేశాలకు ఇందులో స్ధానం ఉంటుంది. ప్రతిదేశానికి ముగ్గురు ప్రతినిధులను పంపే అవకాశం ఉన్నా ఓటు మాత్రం ఒకటే ఉంటుంది.

15 నవంబర్ 1920న నానాజాతి సమితి మహాసభ మొదటి సమావేశం జరిగింది.

 

సమితి మండలి

ఇది కార్యనిర్వహక అంగం. మొత్తం తొమ్మిది మంది సభ్యులు ఉంటారు. ఐదుగురు శాశ్వత సభ్యులు. నలుగురు తాత్కాలిక సభ్యులు. అమెరికా సంయుక్తరాష్ట్రాలు, ఇంగ్లండ్, ఫ్రాన్స్, ఇటలీ, జపాన్ శాశ్వత సభ్యదేశాలు. అమెరికా  1922లో సభ్యదేశంగా చేరింది.

సమితి మండలి విధులు:

* ఆయుధాల తగ్గింపు.

* తన రక్షణలోని అధినివేశ రాజ్యాల నివేదికల పరిశీలన

* దురాక్రమణల నుండి సభ్యదేశాలకు రక్షణ

* అంతర్జాతీయ వివాదాల విచారణ.

* అల్పసంఖ్యాక వర్గాల రక్షణ.

 

సమితి సచివాలయం

సమితి సచివాలయం జెనీవాలో ఉండేది. సచివాలంలో ఉన్న 11డిపార్ట్ మెంట్లకు 11మంది సెక్రటరీలు, ఉధ్యోగులు ఉంటారు. సమితి సభ్యదేశాల మద్య జరిగిన సంధులతోపాటూ, సభ్యులు కాని దేశాలు చేసుకున్న సంధులను వారు స్వచ్చందంగా అందించినప్పుడు రిజిస్టర్ చేసి, వాటిని ప్రచురిస్తారు. సంధులను ఆయా దేశాల భాషలతో పాటూ ఇంగ్లిష్, ఫ్రెంచ్ భాషల్లో కూడా ప్రచురిస్తారు. సచివాలయం సుమారు ఐదువేల సంధులను రిజిస్టర్ చేసింది.

 

అంతర్జాతీయ న్యాయస్ధానం

నానాజాతి సమితికి న్యాయపరమైన అంగం అంతర్జాతీయ న్యాయస్ధానం.  20 డిసెంబర్  1920 న అంతర్జాతీయ న్యాయస్ధానం హేగ్ నగరంలో ఏర్పాటుచేయబడింది.

దీనికే శాశ్వత న్యాయస్ధానం అని పేరు. ఇది 365రోజులు పనిచేస్తుంది.

అంతర్జాతీయ సంధులను వివరించడం, వ్యాఖ్యానించడం అంతర్జాతీయ న్యాయస్ధాన ప్రధాన భాద్యత.

ఇది వివాదాలు ఉన్న దేశాలకు న్యాయసలహాలు ఇస్తుంది.

సమితి ఒడంబడిక పత్రాన్ని వివరిస్తుంది.

సమితి మహాసభ, సమితి మండలికి సలహాలు ఇస్తుంది.

 

 అంతర్జాతీయ కార్మిక సంఘం

దీనికి స్వయం ప్రతిపత్తి ఉంది. ఇది కార్మికులకోసం పనిచేస్తుంది. దీని ప్రదాన కేంద్రం జెనీవాలో ఉంది. సాధారణ సభ, పరిపాలనా విభాగం, అంతర్జాతీయ కార్మిక కార్యాలయం ద్వారా ఇది విధులు నిర్వహిస్తుంది.

 

A. సాధారణ సభ

సాధారణ సభలోని నలుగురు ప్రతినిదుల్లో ఒకరు కార్మికులకు, ఒకరు పెట్టుబడిదారులకు, ఇద్దరు ప్రభుత్వానికి ప్రాతినిద్యం వహిస్తారు. దీనికి చట్టాలు చేసే అధికారం లేదు. ఇది కార్మికుల పరిస్ధితిని మెరుగుపరచేందుకు కృషి చేసింది.

 

B. పరిపాలన విభాగం

దీనిలో 32మంది సభ్యులు ఉంటారు. ఎనిమిది మంది కార్మికులకు ప్రాతినిధ్యం వహిస్తారు. ఎనమిది మంది యజమానుల ప్రతినిధులు, పదహారు మంది ప్రభుత్వ ప్రతినిధులు. దీని కార్యాలయం జెనీవా లో ఉంది. పారిశ్రమిక జీవితానికి సంబందించిన అంశాలను సేకరించడం, స్వచ్చంద కార్మిక సంస్ధలతో సంబంధాలను కొనసాగించడం దీని కర్తవ్యం

 

C. అంతర్జాతీయ కార్మిక కార్యాలయం

నానాజాతి సమితి పతనమైనా అంతర్జాతీయ కార్మిక కార్యాలయం మనుగడ సాగించింది. ఇది ఐక్యరాజ్య సమితి ప్రత్యేక సంస్ధగా ఆవిర్బవించింది. కార్మికుల పనిగంటలు, సెలవులు, హక్కులు, పరిహారాలు, ఆరోగ్య సదుపాయాలు, శుభ్రత, రాత్రి పని గురించి చర్యలు తీసుకుంటుంది.

నానాజాతి సమితి రాజకీయ విజయాలు

నానాజాతి సమితి దేశాలమధ్య వచ్చిన చిన్నచిన్న తగాదాల్ని పరిష్కరించింది.

ఆలెండ్ దీవుల కోసం స్వీడన్, ఫిన్లాండ్ మధ్య వివాదాన్ని పరిష్కరించింది.

నానాజాతి సమితి జర్మనీ-పోలెండ్ ల మధ్య సైలేషియా విషయమై చోటుచేసుకున్న వివాదాన్ని పరిష్కరించి జర్మనీ-పోలెండ్ ల మధ్య సరిహద్దులను నిర్ణయించింది.

బాల్కన్ ప్రాంతంలో మూడు వివాదాలను పరిష్కరించింది.యుగోస్లావియా దురాక్రమణ నుండి ఆల్బేనియాను రక్షించింది.

ఇటలీ దాడులనుండి గ్రీస్ ను రక్షించింది.

గ్రీస్ బల్గేరియాల మధ్య వివాదాన్ని పరిష్కరించింది.

ఇరాక్-టర్కీల మధ్య సరిహద్దు వివాదాన్ని పరిష్కరించింది.

పోలండ్-చెకోస్లేవేకియాల మధ్య సరిహద్దు వివాదాన్ని పరిష్కరించింది.

పెరు-కొలంబియాల మధ్య తలెత్తిన లెటీషియా వివాదాన్ని పరిష్కరించింది.

లెటీషియా ను కొలంబియాకు అప్పగించింది.

 

సాంఘిక ఆర్ధిక విజయాలు

మధ్య ఐరోపా-బాల్కన్ దేశాలకు ఆర్ధిక సాయం చేసింది.

వ్యాధి నిరోదక మందులను ద్వారా ఆరోగ్య పరిస్ధితుల పెంపుకు కృషి చేసింది. మలేరియా, కలరా, మశూచి, క్షయ వ్యాధుల నివారణకు కృషి చేసింది.

బానిస వ్యవస్ధను రద్దుచేసింది.

ఆంతర్ఝాతీయ మేధోసహకారానికి కృషి చేసింది.

శాస్త్ర, సమాచారాభివృధ్దికి కృషి చేసింది.

అంతర్జాతీయ సహకారాన్ని పెంపొందిచండం నానాజాతి సమితి గొప్ప విజయం.

 

సుదీర్ఖ కాల లక్ష్యాలను సాధించడంలో నానాజాతి సమితి విఫలమైంది. సుధీర్ఘకాల యుద్దనివారణలో నానాజాతి సమితి పరాజయం పాలైంది. 1939లో రెండో ప్రపంచ యుద్దం మొదలుకావడంతో నానాజాతి సమితి విఫలమైంది.

Leave a Reply

Your email address will not be published. Required fields are marked *